L’assouciacioun « Le Temps du Costume »

   L’assouciacioun « Le Temps du Costume », creado à Nime en 2003, a pèr toco la trasmessioun, la mantenenço e la reneissenço de nòsti tradicioun. Lou vèsti dóu païs d’Arle, la danso, la musico, emai la lengo prouvènçalo, es au travers de tout acò que se fai l’aparamen de nost’ eiritage culturau.

    Sian de Nime, ciéuta dóu Miejour, qu’avèn lou cor en Prouvènço e li pèd en Lengadò. Aquelo vilo roumano es cargado d’istòri : emé li fabrico de chale de cachemire, l’endustrìo de la sedo, emé li travaiaire de coutouno e lis indianaire. Queto crespino pèr nost’ eiritage culturau e lou vèsti. Longo mai !

   Di gènt de trìo parlon emé afougamen de l’istòri dóu coustume arlaten, que vai de l’epoco de la Revoulucioun franceso a-n-aquelo que se dis “Countempourano”, à la debuto dóu siècle vintèn. Tout acò ’mé un bon biais pèr mounta li vèsti e li couifaduro de circoustànci.

 

   Li mèstre de danso ensignon li pas teinico di danso prouvènçalo. Li jouvènt soun alesti à presenta li diplomo de « Prevost », pièi de « Mèstre » de danso. Tóuti li sòci, di pu jouinet i mai ancian, participon is espetacle en li quau i’a de danso, de musico, de roundo d’enfant ...

   

   Sian à meme, au « Temps du Costume » de Nime, de presenta d’espetacle à tèmo, de recoustitucioun de coustume d’epoco diferènto, divèrsis animacioun (defila, ceremounié, balèti ...).